Kuri uyu wa Kabiri tariki 04 Ukwakira 2025,  Umuyobozi w’Akarere Bwana Rangira Bruno, yakiriye itsinda ryaturutse muri Ambasade w'Ubuyapani mu Rwanda riyobowe Bwana Koichi Kito (International Program Coordinator/Water Aid Japan) bari kumwe n’abakozi b'Umushinga Water Aid Rwanda ryagiriye uruzinduko mu Karere, baganira ku bufatanye mu guteza imbere abaturage ahanini mu mishinga yo kongera ibikorwaremezo birimo n’iby’isuku n’isukura,

Nyuma yo kwakirwa ku Karere, Umuyobozi w’Akarere wungirije ushinzwe iterambere ry’ubukungu Bwana Nzirabatinya Modeste n’abagize iri tsinda basuye umushinga yo kugeza amazi meza ku baturage mu Murenge wa Nasho uri kubakwa ku bufatanye bw'Akarere na Water Aid Rwanda.

Muri uyu mushinga basuye harimo kubakwa umuyoboro w’amazi ureshya na Km 30.4, uzaba ufite amavomo rusange 20 mashya, amavomo atandatu azasanwa,kubaka ubwiherero ku bigo bitatu by'amashuri no ku kigo nderabuzima cya Mulindi; bikorwa byawo bikaba biteganyijwe kuzuzura bitwaye ingengo y’imari y'amafaranga y'u Rwanda asaga miliyoni 806.