Kuri uyu wa Kabiri tariki 13 Mutarama 2026, Umuyobozi w’Akarere Bwana Rangira Bruno, ari kumwe n’inzego z’umutekano, intumwa za Minisiteri y'ubumwe bw'Abanyarwanda n'inshingano mboneragihugu [MINUBUMWE], yayoboye igikorwa cyo gutangiza Urugerero rw’Inkomezabigwi icyiciro cva 13, ku nsanganyamatsiko igira iti “Duhamye umuco w’ubutore twimakaza ubumwe n’ubudaheranwa”; igikorwa cyabereye mu Murenge wa Kigina, mu Kagari ka Rwanteru.

Umuyobozi w’Akarere Bwana Rangira Bruno, yasabye intore z’Inkomezabigwi kwita ku masomo bazigishwa mu gihe urugerero ruzamara, kugira uruhare mu kubaka Igihugu binyuze mu bikorwa bazakora mu gihe kigera hafi ku kwezi n’igice ruzamara, gusana ibikorwaremezo, no kumva uruhare rwabo mu kwiyubakira Igihugu.

Intumwa ya MINUBUMWE, Bwana Mbonimana Silas yasabye izi nkore z’Inkomezabigwi icyiciro cya 13 kubakira ku ndangagaciro na kirazira by’umuco nyarwanda, gukunda Igihugu, kwirinda ubunebwe, kwirinda ibiyobyabwenge, kwirinda ibishuho; no kurangwa n’ubumwe n’ubudaheranwa muri byose.

Iyi gahunda yatangiye no hirya no hino mu Karere, yitabiriwe n’intore zarangije amashuri yisumbuye mu mwaka wa 2024-2025.