Mu muhango wo gutangiza icyumweru cyahariwe irangamimerere, cyatangirijwe mu murenge wa Kigarama  ku rwego rw’Igihugu, kuri uyu wa 5/08/2019, Umunyamabanga wa Leta muri Minisiteri y’ubutegetsi bw’Igihugu ushinzwe imibereho myiza y’abaturage,Dr. Alvera Mukabaramba yashishikarije abaturage kwandikisha abana mu bitabo by’irangamimerere kuko ari uburenganzira bwabo kandi binafasha Leta mu igenamigambi.

Muri iki cyumweru cy’irangamimerere cyatangijwe kuri uyu wa mbere hazanakurwa mu bitabo by’irangamimerere abitabye Imana ndetse hanasezerane ababana mu buryo butemewe n’amategeko kikaba gifite insanganyamatsiko igira iti:"Irangamimerere rinoze inkingi y'iterambere rirambye"

Umuyobozi w’Akarere ka Kirehe Muzungu Gerald yibukije abitabiriye itangizwa ry’iki cyumweru ko cyahariwe ibikorwa by’irangamimerere abibutsa ko ari amahirwe ku baturage bafite abana batanditse mu bitabo by’irangamimerere, abatarakuza abitabye Imana muri ibi bitabo kimwe n’ababana batarasezeranye byemewe n’amategeko kuko izi service zibafasha kubitunganya vuba.

Umunyamabanaga wa Leta muri Minisiteri y’ubutegetsi bw’Igihugu ushinzwe imibereho myiza y’abaturage,Dr. Alvera Mukabaramba yagize ati: Irangamimerere ni uburyo ibihugu bikomeza kubika inyandiko z'abavuka,abapfa ,ishyingirwa,abatandukana no kugira umwana utabyaye uwawe bijyanye n'amategeko agenga irangamimerere ni ibyingenzi mu biranga umuntu mu muryango no mu gihugu mubyerekeranye

Dr Mukabaramba Alvera yavuze ko iki cyumweru cy'irangamimerere ari ukugira ngo abantu bandikishe abantu,kwandukuza abapfuye,gusezerana no kwandikisha abana utabyaye ushaka kubera ababyeyi nizindi servisi.

Yakomeje avuga ko  niba abaturage batandukuje abapfuye imibare irapfa hamwe n'abavutse ntago wateganyiriza amashuri utazi abana bavutse,wabateganyiriza ute utazi abavutse ntushobora no Kumenya abasezeranye nta mibare ufite. Yavuze ko gahunda ya Leta aruko umwana azajya avukira kwa muganga bahite bamwandika