Kuri uyu wa kabiri tariki ya 01 Werurwe  2017, mu Karere ka Kirehe hatangijwe ku mugaragro imurikabikorwa rizamara iminsi itatu ryari ryitabiriwe nabatari bake harimo  abikorera  amakoperative  ndetse nibigo bishamikiye kuri leta ni imurikabikortwa riri kubera muri Gare ya Nyakarambi.

Umuyobozi w’Akarere ka Kirehe wungirije ushinzwe ubukungu Nsengiyumva Jean Damascene atangiza ku mugaragaro iri murikabikorwa yashimiye abitabiriye iki gikorwa,  aboneraho no kubwira abategura  icyo gikorwa  ko bagomba kuzakangurira n’abandi batabashije kwitabira iryo murikabikorwa ko ubutaha nabo bitabira bityo bakareba ibyiza bikorerwa mu karere ka Kirehe.

Umuyobozi w’Akarere wungirije ushinzwe ubukungu  akaba yashimiye abafatanyabikorwa baba bafashe umwanya wabo mu rwego rwo kumurika ibikorwa bikorerwa mu karere ka Kirehe kimwe n’ahandi akaba asaba n’abandi batabashije kwitabira ko ubutaha bajya baza ari benshi kuko bituma ibikorwa byabo bimenyekana.

Bimwe mu biri kumurikwa nabitabiriye iri murikabikorwa  harimo abiteje imbere babikomoye ku rutoki mu mjurenge wa Mushikiri bakaba bibumbiye muri Koperative y’abahinzi b’urutoki ba Mushikiri.

Muri iri murikabikorwa kandi hagaragayemo  abiteje imbere baje kumurika ibikorwa byabo harimo abacuruza imyenda ikorerwa mu karere ka Kirehe,hakaba harimo ingofero n’ibindi bitandukanye.

Imurikabikorwa ry’abafatanyabikorwa (JADF) mu karere ka Kirehe rifite insanganyamatsiko igira iti “Ubufatanye mu iterambere dutanga serivise yihuse kandi inoze”