Kuri uyu wa 10/01/2018, mu cyumba cy’inama cy’Akarere ka Kirehe hateraniye  inama yo gusuzuma umusaruro w’ubuhinzi mu gihembwe cya 2018A no gutegura igihembwe cy’ihinga 2018B, ikaba yitabiriwe n’Abanyamabanga Nshingwabikorwa b’imirenge hamwe n’abashinzwe ubuhinzi mu mirenge nabagize amakoperative ashinzwe ubuhinzi.

Iyi nama ikaba yigaga ku musaruro w’igihembwe cy’ihinga 2018A (gusarura, guhunika,kwirinda kotsa imyaka,etc) no gutegura Season 2018B (Twigire Lists, Gutegura imirima,kugura inyongeramusaruro,etc),umuyobozi w’Akarere ushinzwe ubukungu akaba yibutsa abaje mu nama kwita ku buhinzi muri rusange.

Nkuko Umuyobozi w’Akarere wungirije ushinzwe ubukungu Nsengiyumva Jean Damascene watangije inama yabikanguriye abayitabiriye yibukije ko ari inama yo gusuzuma umusaruro w’ubuhinzi mu gihembwe cya 2018 A no gutegura igihembwe cy’ihinga 2018 B no gufata ingamba zo kwihutisha gahunda yo kuvugurura urutoki,kwita kuri kawa,kwitegura umusaruro w’ihinga 2018A.

Yibukije ko bimwe mu bikenewe muri iyi inama ari ugufata ingamba mu gushishikariza abahinzi Kwitegura umusaruro w’ihinga 2018A,(Gusarura ,guhunika,kugura no kugurisha umusaruro),kuvugurura urutoki no kurwanya ibyonnyi

Bimwe mu bikorwa by’ingenzi mu gutegura iki gihembwe cy’ihinga inama yemeje ko ari ugutegura imirima,kwirinda guhinga amasaka mu byanya byateganijwe,kwihutira kuzuza amalisiti ya twigire abahinzi bakageza igihe cyo guhinga babonye inyongeramusaruro.

Muri rusange inama yemeje ko  bagiye gukangurira abahinzi guhingira ku gihe ku buryo imvura ya mbere izagwa batangira gutera,bakaba kandi  bazakangurira abahinzi guhinga ibihingwa byatoranyijwe n’ukuvuga Ibigoli, Ibishyimbo,soya, imyumbati n’umuceli.

Inama iakaba yakomeje isaba abayitabiriye  kwibutsa abahinzi  kwirinda amasaka mu byanya byatunganyijwe no ku butaka buhuje bagahingira  ku gihe kugira ngo  badahura n’ibura ry’imvura imyaka ikiri mito,aho ikiri mito abahinzi bagakangurirwa gukura amababi ku bigoli bagahinga ibishyimbo.

Mu rwego rwo kwitegura guhingira ku gihe no kongera umusaruro  mu nama bemeje ko ari ngombwa kugura imbuto n’ifumbire ku gihe abahinzi bakaba bakangurirwa kuzigama no kwitegura kugura inyongeramusaruro zo gukoresha mu gihembwe cy’ihinga 2018 B.