Imikino ya ¼ cy'irushanwa ry’imikino y’Umurenge Kagame Cup 2024-2025 aho yari yahuje ikipe y'Umurenge ya Kirehe yo mu karere kacu ihagarariye Intara y’Iburasirazuba ndetse n'iy'uwa Mbazi yo mu Karere ka Huye ihagarariye Intara y’Amajyepfo mu mupira w'amaguru mu bagabo, wabaye mu mpera z'icyumweru gishize, wabereye ku wa Gatanu kuri Sitade y’Akarere ka Ngoma, umukino warangiye banganyije 1-1 bituma Umurenge wa Kirehe ukomeza ku kinyuranyo cy’igitego kimwe (AG 2-1).

Wari umukino wo kwishyura kuko umukino ubanza wari wabereye mu Karere ka Huye kuwa 9 Gicurasi 2025, icyo gihe umukino warangiye ikipe y'Umurenge wa Kirehe yegukanye intsinzi ku gitego kimwe ku busa bwa Mbazi.

Ku rundi ruhande ikipe y’Umurenge wa Gahara nayo yo mu Karere ka Kirehe nayo ihagarariye Intara y’Iburasirazuba mu cyiciro cy’abakobwa yari yakiriye ikipe y’Umurenge wa Mahembe ihagarariye Intara y’Iburengerazuba umukino warangiye Mahembe itsinze 1-0, maze Mahembe iba ariho ikomeza ku kinyuranyo cy’ibitego 2-1; kuko mu mukino ubanza bari banganyije 1-1.

Amarushanwa “Umurenge Kagame Cup” agamije kwimakaza imiyoborere myiza, akinwa guhera ku rwego rw’umurenge mu mikino irimo Umupira w’Amaguru, Basketball, Volleyball, Amagare, Kubuguza (Igisoro), Gusiganwa ku maguru, Gusimbuka Urukiramende ndetse na Sit ball.