Ikigo nderabuzima cya Nyarubuye, giherereye mu Murenge wa Nyarubuye kigiye kongererwa ubushobozi kizajya gitanga serivisi zo ku rwego rwa Dogiteri-Nyarubuye Medicalized Health Center, ibijyanye n'inyigo bikaba byaramaze gukorwa.

Kuri uyu wa Kabiri, Umuyobozi w’Akarere Bwana Rangira Bruno, ari kumwe n'Umuyobozi w'Akarere wungirije ushinzwe iterambere ry’ubukungu Bwana Nzirabatinya Modeste n'Umunyamabanga Nshingwabikorwa w'Akarere Madame Kamana Diane yayoboye inama yemeza isuzuma ry'inyigo ya Nyarubuye Medicalized Health center, abasaba kubyihutisha.

Biteganijwe ko inyubako ya Nyarubuye Medicalized Health Center izuzura itwaye amafaranga y'u Rwanda asaga Miliyari 5.

Kongerera ubushobozi Ikigo Nderabuzima cya Nyarubuye bizafasha abaturage kubona serivisi z'ubuvuzi hafi yabo.