Kuri uyu wa Kabiri tariki 16 Kamena, Umuyobozi w’Akarere wungirije ushinzwe iterambere ry’ubukungu Bwana Nzirabatinya Modeste yayoboye inama ngarukamwaka y'abafatanyabikorwa mu bijyanye n'isuku n'isukura[Annual WASH Reflection meeting] yateguwe ku bufatanye n'umushinga Isoko y'ubuzima.

Ni inama yabereye kuri East Gate Hotel/Kirehe yitabiriwe n'intumwa yaturitse muri Minisiteri y'Ibikorwaremezo Bwana Yahya Hassani na Country Director wa Water for People, abandi bafatanyabikorwa mu bijyanye n'isuku n'isukura.

Muri iyi nama barebeye hamwe ibikorwa byagezweho muri uyu mwaka wa 2024-2025 mu guteza imbere ibijyanye n’isuku n’isukura mu Karere, ndetse no gukora igenamigambi ry'umwaka ukurikiyeho wa 2025-2026.

Muri iyi nama kandi Umufatanyabikorwa Water for people/Isoko y'ubuzima yashyikirije Akarere ibikorwa n'imishinga bateganya kwibandaho mu Karere kugeza mu mwaka wa 2030 [DISTRICT WASH INVESTMENT PLAN 2024-2030].

Umuyobozi w’Akarere wungirije ushinzwe iterambere ry’ubukungu Bwana Nzirabatinya Modeste yagaragaje ko hakenewe kongerwa imbaraga mu kuzamura imishinga myinshi yongera ibikorwaremezo by'amazi kubera ko abayakeneye ari benshi nk’Akarere kari mu twunganira Umujyi wa Kigali, karimo n’inkambi ya Mahama.
Yavuze kandi hari ibikorwa byatangiye byo gukemura ibibazo by'isuku n’isukura nko kongerera imbaraga imiyoboro y’amazi, kandi n’imyumvire y'abaturage igenda irushaho kuba myiza, ku buryo hakenewe imbaraga n’ubufatanye mu kwita ku isuku n'isukura; harimo n’uburyo bwo gutunganya imyanda.

Iyi nama iba igamije guhuza akarere n'abafatanyabikorwa kurebera hamwe ibyagezweho, imbogamizi n'icyakorwa mu gihe kiri imbere, yaherukaga kuba ku wa 3 Kamena 2024.