Ku bufatanye n’umufatanyabikorwa LANDESA, muri iki Cyumweru, ku wa Kabiri tariki ya 29 Nyakanga 2025 Perezida w’Inama Njyanama y’Akarere Prof. Dr. Kabera Callixte ari kumwe n’Umuyobozi w’Akarere Rangira Bruno  n'inzego z'umutekano bagiranye inama n’ibyiciro bitandukanye bakurikirana abaturage mu ikemurwa ry'ibibazo by'ubutaka bareba umusaruro wabonetse.

Inama yarebeye hamwe umusaruro wavuye mu gikorwa cyo Kwandika ubutaka butanditswe no gukosora imbibi z’ubutaka cyakozwe mu gihe cyashize ku bufatanye na LANDESA.

Perezida w'inama  Njyanama y’Akarere yashimiye LANDESA ku bikorwa byakozwe ku bufatanye n'Akarere.

Abayobozi binzego z’ibanze mu Karere ka Kirehe kuva ku rwego rw’Akarere kugera ku Kagari, abashinzwe ubutaka, abunzi na komite zishinzwe ubutaka nibo bagiranye inama mu rwego rwo kwigira hamwe uburyo bwo gukemura amakimbirane ajyanye n’ubutaka akunze kugaragara mu baturage.

Ni inama bahawe n’Ikigo gishinzwe Ubutaka ku bufatanye n’umufatanyabikorwa Landesa bahuguye izi nzego kugira ngo zikemure neza ibibazo by’ubutaka abaturage bakunze kugirana, basobanurirwa itegeko rigenga ubutaka n’amategeko agenga umuryango kuko ubutaka ari ubw'umuryango,  basobanurirwa uko bakomeza gukemura ibibazo bishingiye ku butaka.