Uyu munsi, mu Murenge wa Nasho, Umuyobozi w’Akarere Bwana Rangira Bruno yakiriye itsinda ry’abayobozi bo muri WaterAid&WaterAidRwanda baje gusura imishinga bafatanyamo n’akarere mu kwegereza abaturage amazi meza n’isuku n’isukura.

Umuyobozi w’Akarere Bwana Rangira yashimiye Water Aid Rwanda ku bufatanye bwiza mu mishanga igamije gukemura ikibazo cy’amazi kugira ngo agere ku baturage bose 100%, kuko ariyo ntego. 

Aba bayoboi bafashe umwanya basura ibikorwa n’imishinga iri kubakwa mu Karere irimo uri mu Murenge wa Nasho ufatira amazi ku isoko iri ahitwa Nyamurindira, mu Kagari ka Ntaruka; banasura umuyoboro wa Gahezi ugeza amazi meza ku batuye mu gice cy’Umujyi wa Nyakarambi.

Murenge wa Nasho, ahari  kubakwa umuyoboro ureshya n'ibirometero 30, uzageza amazi meza ku baturage basaga ibihumbi 15, uzuzura utwaye miliyoni 600Frw; ku bufatanye na WaterAidRwanda.

Ubuyobozi bwa Water Aid Rwanda bugaragaza ko mu myaka itatu bamaze bakorera muri Kirehe ibikorwa byabo byageze ku baturage basaga ibihumbi 64, binyuze mu mishinga igera kuri ine bafatanyamo n'Akarere yo kugeza amazi meza ku baturage; imaze gutwara amafaranga y'u Rwanda agera kuri miliyari ebyiri na miliyoni 100.