Umuyobozi w’Akarere Bwana Rangira Bruno, ari kumwe n’Umuyobozi mukuru w’Ibitaro by’Akarere Dr Niyonkuru Aine Ernest, kuri uyu wa Gatatu yakiriye itsinda y'abayobozi baturutse muri Banki yIsi [World Bank] n'Abaturutse mu Kigo cy'Igihugu gishinzwe ubuzima[RBC] ryari riyobowe na Nkosinathi Vusizihlobo Mbuya.

Babanje kugirana ibiganiro byabereye ku kicaro cy'Akarere ku ishyirwa mu bikorwa ry’imishinga yatewe inkunga na World Bank n’aho ibikorwa byumvikanyweho mu ruzinduko ruheruka bigeze bishyirwa mu bikorwa.

Nyuma y’ibiganiro bagiranye, berekeje ku Bitaro by'Akarere bya Kirehe aho basuye bimwe mu bikorwa byatewe inkunga na World Bank byo mu bitaro birimo imishinga y’ubutabazi bwihuse (Emergency Projects) aribyo: sisitemu itanga umwuka wa oxygene(Oxygene Supply system) n’icyumba cy’akato (Isolation Room) n’ibikorwaremezo (Infrastructure: New Hospital Facility) byubatswe ku bufatanye n’Ikigega Mpuzamahanga cy’Iterambere (World Bank).