Umuyobozi w'Akarere Bwana Rangira Bruno, wifatanyije abaturage bo mu Murenge wa gahara mu Kagari ka Butezi mu nteko y'abaturage yabaye ku gicamunsi cyo kuri uyu wa Kabiri tariki 29 Nyakanga 2025, yasabye abaturage abaturage kwirinda ibikorwa bibakururira mu byaha birimo ubusinzi, gusambanya abana n'amakimbirane mu miryango.

Umuyobozi w'Akarere yasabye abaturage kwita ku bana. Agaragaza ko by'umwihariko muri ibi bihe by'impeshyi, Abaturage bakwiye gukoresha amafaranga bafite mu bikorwa bibateza imbere bakareka kuyajyana mu tubari. Abibutsa ko mu gihe babonye amafaranga kiba ari igihe kiza cyo gutekereza imishinga migari yo kuyakoresha neza.

Umurenge wa Gahara, ni umwe muri 12 igize Akarere ukaba utuwe n'abaturage barenga ibihumbi 40, batunzwe ahanini n'ibikorwa by'ubuhinzi n'ubworozi;  ukaba umwe mu mirenge ibonekamo umusaruro mwinshi iyo yatabayeho ibibazo by'imihindagurikire y'ikirere.