Kuri uyu wa Kabiri tariki 14 Ukwakira 2025, Umuyobozi w'Akarere wungirije ushinzwe iterambere ry'ubukungu  Bwana Nzirabatinya Modetse yakiriye itsinda ry'abakozi mu kigo gishinzwe amashyamba mu Rwanda(RFA) bari kumwe n'amatsinda y'abaturage aho umushinga CND (Congo Nile Divide) ukorera mu Karere ka Rutsiro, mu Ntara y’Uburengerazuba hamwe n'abayobozi; baje mu rugendoshuri.

Baje mu rugendoshuri rwo kureba uko gahunda mpuzamashyamba ishyirwa mu bikorwa mu Karere, no kureba uko abaturage bayabungabunga neza nk’uko Namuhoranye Sylver Umukozi w'ikigo cy'amashyamba mu mushinga CND (Congo Nile Divide) mu Karere ka Rutsiro yabisobanuye.

Itsinda ry'abakozi mu kigo gishinzwe amashyamba mu Rwanda n'amatsinda y'abaturage aho umushinga CND(Congo Nile Divide) ukorera muri Rutsiro, bagize n’umwanya wo gusura ishyamba riri mu Murenge wa Kigina riherutse guterwa, ndetse n'imisozi iri guterurwa igiye guterwaho ishyamba  muri iki gihembwe cya 2026A mu rwego rwo kongera ubuso buteye amashyamba no kubungabunga ibidukikije mu Karere ka Kirehe.