AMAKIPE YO MU KARERE KA KIREHE AHAGARARIYE INTARA MU MUKINO WA SITBALL YABONYE ITIKE YO KUJYA MURI ½
Byari ibyishimo nyuma yo gukatisha itike ya 1/2
Amakipe yo mu Karere kacu, ahagarariye Intara y'Iburasirazuba mu marushanwa y'Umurenge Kagame Cup 2024-2025 mu bagabo n'abagore yombi kuri iki Cyumweru tariki 01 Kamena 2025 mu yakatishije itike iberekeza mu muri kimwe cya kabiri(½) ku rwego rw'Igihugu.
Ni imikino yabereye kuri iki Cyumweru mu nzu y'imikino [gymnase] yo mu Karere ka Gisagara, ahebereye amarushanwa y' Umurenge Kagame Cup muri Sitball yari ageze muri 1/4 ku rwego rw'Igihugu, aho amakipe y'abagabo n'abagore ahagarariye Intara yahataniraga gutsinda kugira ngo agere muri ½, muri aya marushanwa agamije kwimakaza amahame y'imiyoborere myiza.
Mu mikino amakipe yo mu Karere kacu yakinnye, mu bagabo [Sitball Men] ikipe yo mu Karere ka Kirehe yatsinze ibitego 32 kuri 14 ya Kamonyi[Kirehe 32 - Kamonyi 14], inatsinda Ikipe ya Rubavu ibitego 30 kuri 26[Kirehe 30 - Rubavu 26]; Kirehe ihita ibona itike yo kujya muri ½.
Mu mikino amakipe y'abagore muri uyu mukino wa Sitball[Sitball Women], naho Ikipe y'akarere kacu yatsinze iy'Akarere ka Bugesera Ibitego 26 kuri 24[Kirehe 26 - Bugesera 24], naho mu wundi mukino Kirehe yakinnye na Kamonyi, Kamonyi yatsinze Kirehe ibitego 39 kuri 38; ariko birangira n'ubundi Ikipe y'Akarere ka Kirehe ari yo ikomeje muri ½ hateranyijwe ibitego byo mu mikino yombi.